அனுஷ்டுப் என்னும் சந்தம் இரண்டு வரிகள் கொண்டது. ஒவ்வொரு வரியிலும் இரண்டு பாதங்கள். ஒவ்வொரு பாதத்திலும் எட்டு உயிரெழுத்துகள் இருக்க வேண்டும். இந்த ஓர் அம்சத்தை வைத்துத் தமிழில் ஸ்ரீராமகிருஷ்ணர் மீது ஒரு செய்யுள் செய்து பார்த்தேன்.
*
ஸ்ரீராமக்ருஷ்ணரை நினை
என்றென்றும் மாறாத நன்மை |
யாமங்களில் அவர் நாமம்
இருள் கடியும் நல்தீபம் ||
உலகாசைகள் மறையும்
உள்ளத் தூய்மையே விளையும் |
பகவத் பக்தி கனியும்
பரமஞானம் பொலியும் ||
பிரிவினைகள் அகலும்
பரிவுணர்வே திகழும் |
விரிந்த மனம் விளங்கும்
விவேகமதில் துலங்கும் ||
குறுகிய நோக்கம் மாறும்
குவலய நோக்கம் சேரும் |
வறுமை வறுமையாகும்
வாழ்வதே பெருமை ஆகும் ||
ராமக்ருஷ்ணரை நினைத்தால்
உள்ளப் பகைகள் ஒழியும் |
சேமம் அவர் திரு நாமம்
சிறப்புகள் எல்லாம் சேர்க்கும் ||
ஸ்ரீராமக்ருஷ்ணரை நினை
என்றென்றும் மாறாத நன்மை |
யாமங்களில் அவர் நாமம்
இருள் கடியும் நல்தீபம் ||
***
No comments:
Post a Comment